სურსათი ტყიბულში მცხოვრები სოციალურად დაუცველი ოჯახისათვის

ტყიბულის მუნიციპალიტეტის გამგეობის წარმომადგენლები, სოციალური აქციის ფარგლებში, სოფელ კისორეთში მცხოვრებ სოციალურად დაუცველ ოჯახს ესტუმრნენ.

მუნიციპალიტეტის გამგებლის პირველმა მოადგილემ შალვა გაბრიაძემ და ჯანმრთელობისა და სოციალური დაცვის სამსახურის უფროსმა ნელი ქარელმა ლომთაძეების ოჯახს სურსათი და ფულადი დახმარება გადასცეს.



როგორც ტყიბულის მუნიციპალიტეტის საზოგადოებასთან ურთიერთობის სამსახურში აცხადებენ, გამგეობა მსგავსი ტიპის აქტივობების განხორციელებასა და გაჭირვებული ოჯახების დახმარებას მომავალშიც გეგმავს.