საჩხერეში ლიტერატურულ კონკურს 'მოდინახე'-ს გამარჯვებულები გამოავლინეს

საჩხერეში, აკაკი წერეთლის სახელობის სახლ-მუზეუმში ლიტერატურული კონკურსის- „მოდინახეს“ დაჯილდოების ცერემონია გაიმართა. 162 -ზე მეტი საკონკურსო ნამუშევრიდან ათი საუკეთესო შეირჩა, რის შედეგადაც ჟიურიმ სამი საპრიზო ნამუშევარი გამოავლინა.

„მოდინახე“ 2016-ის პირველი ადგილი ნინო გუგეშაშვილს ერგო, მეორე- მარიამ კოზმანიშვილს, ხოლო მესამე ადგილის მფლობელი ნინო მოდრეკილაძე გახდა. კონკურსის პრიზიორები ფულადი პრემიით დაჯილდოვდნენ.


ჟიურის წევრებს პროექტის ავტორი როლანდ ხოჯანაშვილი, გენერალური სპონსორის წარმომადგენელი ზაქარია ზალიკაშვილი, პოეტი მანანა ფრუიძე-რობერტსონი, პოეტი ზაზა სუყაშვილი, ეროვნული ბიბლიოთეკის დირექტორი გიორგი კეკელიძე, აღმოსავლეთმცოდნე გიორგი ლობჟანიძე, მწერალი ეკატერინე ჭკადუა, დეფი და ბიძინა მაყაშვილი წარმოადგენდნენ.

ყოველწლიური ლიტერატურული კონკურსი „მოდინახე“ 2014 წელს „ჯორჯიან მანგანეზის“ გენერალური სპონსორობით და ჟურნალისტ როლანდ ხოჯანაშვილის ინიციატივით დაარსდა.