ა(ა)იპ ბაგა-ბაღების გაერთიანება ახალი სისტემის დანერგვას გეგმავს

ქუთაისის ა(ა)იპ ბაგა-ბაღების გაერთიანებაში ახალი სისტემის დანერგვა იგეგმება.

როგორც ა(ა)იპ ბაგა-ბაღების გაერთიანების ხელმძღვანელი ნანა ლორთქიფანიძე topnews.com.ge-სთან საუბარში აცხადებს, დეტალები საზოგადოებისთვის ჯერჯერობით ცნობილი ვერ გახდება, რადგან ამ ეტაპზე ახალი სისტემის დახვეწა მიმდინარეობს.

მისივე თქმით, რეორგანიზაციის პროცესის შემდეგ გაერთიანებაში ცვლილებები კვლავ გრძელდება და ახალ კონცეფციას საზოგადოება სექტემბრიდან იხილავს.

"წინ გვაქვს ზაფხულის ცხელი პერიოდი, რომელიც აბსოლუტურად საკმარისია იმისათვის, რომ ეს იდეები, რაც გვაქვს დავხვეწოთ და ახალი სასწავლო წლისთვის წარმატებულად წარმოგიდგინოთ,"-განაცხადა ა(ა)იპ ბაგა-ბაღების გაერთიანების ხელმძღვანელმა ნანა ლორთქიფანიძემ.