ხარაგაულის მუნიციპალიტეტში გზის რეაბილიტაციის მილიონიანი პროექტი მიმდინარეობს

ხარაგაულში, სოფელ მარელისში, 3,5 კილომეტრიანი გზის სრული რეაბილიტაცია მიმდინარეობს.

სადგურ მარელისიდან სოფლის ცენტრამე გზის მოასფალტების სამუშაოებს მუნიციპალური განვითარების ფონდი აფინანსებს. პროექტის საერთო ღირებულება ერთი მილიონი ლარია.

გზის მთელ სიგრძეზე სანიაღვრე არხები მოეწყობა, გაკეთდება წყალამრიდები, შესრულდება გზის დახაზვითი სამუშაოები და დაიდგმება საგზაო ნიშნები.

სოფლის ცენტრალური გზის სარეაბილიტაციო სამუშაოები ხარაგაულის ადგილობრივი ხელისუფლების წარმომადგენლებმა დაათვალიერეს.

სოფელ მარელისში 3,5 კილომეტრიანი გზის მშენებლობა ივნისის ბოლოს დასრულდება.