ქუთაისის ხელისუფლება ქალაქის დაგეგმარების გენერალურ გეგმაზე მუშაობს

იმერეთის მუნიციპალიტეტების არქიტექტურების სამსახურების წარმომადგენლებს ჩეხეთიდან და სლოვაკეთიდან ჩამოსულმა სტუმრებმა სივრცული ტერიტორიული დაგეგმარების კუთხით თავიანთი ხედვა გაუზიარეს. შეხვედრა პროექტის-„განვითარება მიწათმშენებლობის დაგეგმვის გზით“ ფარგლებში შედგა.

„თქვენ იცით, რომ ჩვენს ქალაქში გენერალური გეგმა არ არსებობს. ამაზე ვმუშაობთ. გვინდა, რომ გამოვაცხადოთ კონკურსი. ამიტომ, ყოველი პრეზენტაცია, რომელსაც უცხოელები ჩაატარებენ, ჩვენთვის სასარგებლოა და გვინდა, რომ მათგან გადმოვიღოთ ყველაფერი კარგი,“- განაცხადა ქუთაისის მერიის არქიტექტურისა და ზედამხედველობის სამსახურის უფროსმა ბაქარ ჭეიშვილმა.

პროექტის კოორდინატორი საქართველოში "კავკასიის რეგიონული გარემოსდაცვითი ცენტრია". პროექტის ფარგლებში არქიტექტორებთან მსგავსი ტიპის შეხვედრები უკვე გაიმართა გაიმართა თბილისსა და მცხეთაში.

მარუსა ხურციძე