კოალიციის შტაბის უფროსის ინფორმაციით, მარგველაშვილმა ქუთაისში 70 000-მდე ხმა მიიღო

ქუთაისში კოალიცია "ქართული ოცნების" პრეზიდენტობის კანდიდატის საარჩევნო შტაბის უფროსი ზაზა მარუაშვილი დარწმუნებულია, რომ გიორგი მარგველაშვილი დამაჯერებელი პროცენტული მაჩვენებლით გაიმარჯვებს, როგორც ქუთაისში, ასევე, მთელ საქართველოში.
მარუაშვილის თქმით, მათი წინასწარი მონაცემებით, მარგველაშვილმა ქუთაისში 70 000-მდე ხმა მიიღო.
"მე კმაყოფილი ვარ, როგორც შედეგებით, ასევე, დღეს ქუთაისში ჩატარებული არჩევნებითაც, რადგან ქუთაისში, ისე როგორც არასდროს, დღეს მშვიდი არჩევნები ჩატარდა. ჩვენ დარწმუნებულები ვართ, რომ 70%-მდე აიღებს მარგველაშვილი", - განაცხადა ზაზა მარუაშვილმა.