ბაგა-ბაღების გაერთიანების პიარი სამსახურიდან გაათავისუფლეს

ქუთაისის ბაგა-ბაღების გაერთიანების საზოგადოებასთან ურთიერთობის სამსახურის ხელმძღვანელი ქეთი დეისაძე სამსახურიდან გაათავისუფლეს.

როგორც დეისაძემ topnews.com.ge-სთან საუბარში განაცხადა, დეტალებზე ის დღეს 12:30 საათზე ქუთაისის დემოკრატიული ჩართულობის ცენტრში ჩანიშნულ ბრიფინგზე ისაუბრებს.

ცნობისთვის, ქეთი დეისაძე ბაგა-ბაღების გაერთიანების საზოგადოებასთან ურთიერთობის სამსახურში გადასვლამდე ქალაქის მერიის საზოგადოებასთან ურთიერთობის სამსახურს ხელმძღვანელობდა.