Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

რატომ არ უნდა ვასეირნოთ შებინდებისას წლამდე ასაკის ბავშვები?

თარიღი : 23-05-2016, 10:55 | კატეგორია: ახალი ამბები, საზოგადოება   
დაავადებათა კონტროლის ეროვნული ცენტრის სამეცნიერო ხელმძღვანელი პაატა იმნაძე ზაფხულის მოახლოებიდან გამომდინარე მოსახლეობას რეკომენდაციებით მიმართავს.

პაატა იმნაძემ დღეს გამართულ პრესკონფერენციაზე სეზონურ ინფექციებზე და ზაფხულთან დაკავშირებულ სხვა საფრთხეებზე ისაუბრა.

მისი თქმით, დასრულდა ზამთრის სეზონის ვირუსები და დაიწყება ზაფხულის სეზონის დაავადებები. პაატა იმნაძემ ლეიშმანიოზსა და მალარიაზე გაამახვილა ყურადღება, თუმცა აღნიშნა, რომ საბედნიეროდ, ბოლო რამდენიმე წლის განმავლობაში საქართველოში მალარიის ადგილობრივი შემთხვევები არ ვლინდება. რაც შეეხება ლეიშმანიოზს, პაატა იმნაძის ცნობით, აღმოსავლეთ საქართველოში ლეიშმანიოზის რამდენიმე ათეული შემთხვევა ვლინდება.

ლეიშმანიოზის გამომწვევი მწერი შებინდებისას დაფრინავს, შესაბამისად პაატა იმნაძე მშობლებს ურჩევს წლამდე ასაკის ბავშვები შებინდებისას სასეირნოდ არ გაიყვანონ. წლის ზემოთ ბავშვებს კი მწერების დამაფრთხობელი საშუალება წაუსვან და ღია დაუცველი კანით არ გაასეირნონ. ასევე ერთ-ერთი რეკომენდაცია ფანჯრებზე მწერებისგან დამცავი ბადეების გაკეთებაა.

დაავადებათა კონტროლის ეროვნული ცენტრის სამეცნიერო ხელმძღვანელის ცნობით, ლეიშმანიოზზე ნაკბენის შემჩნევა შეუძლებელია. მისი თქმით, კბენის სეზონი ივნისის მეორე ნახევრიდან იწყება. გამოვლენა კი შემოდგომის ბოლოს ხდება.

პაატა იმნაძე ასევე ძაღლების პატრონებს ურჩევს ვეტერინარებთან გამოიკვლიონ აქვთ თუ არა მათ ძაღლებს ლეიშმანიოზი.

რაც შეეხება კოღოებს. პაატა იმნაძის ინფორმაციით, საქართველოს შავი ზღვისპირეთში ჯანდაცვის და სოფლის მეურნეობის სამინისტროები ფართომასშტაბიან სადეზინსექციო სამუშაოებს გეგმავენ.

პაატა იმნაძე არ ელოდება ზიკას, დენგეს და ჩიკუნგუნიას ინფექციების გავრცელებას. რაც შეეხება ზაფხულთან დაკავშირებულ კიდევ ერთ საფრთხეს, ბოტულიზმს, პაატა იმნაძე ბოტულიზმის საფრთხიდან გამომდინარე მოსახლეობას ურჩევს, ნუ დაამზადებენ ისეთი პროდუქტების კონსერვს, რისი თერმულად დამუშავებაც გახსნის შემდეგ აღარ შეიძლება.

ბუნებაში ხშირად გასვლიდან გამომდინარე კი პაატა იმნაძე მოსახლეობას ახსენებს, რომ თუკი წყარო ვიზუალურად სუფთაა, ეს არ ნიშნავს, რომ წყარო არ შეიძლება ბაქტერიებით დაბინძურებული არ იყოს. მან მოსახლეობას ბუნებაში წყლის ბოთლის გამოყენებისკენ, ან გადადუღებული წყლის დალევისკენ მოუწოდა.

კიდევ ერთი რეკომენდაცია, რომელსაც დაავადებათა კონტროლის სამეცნიერო ხელმძღვანელი მოსახლეობას აძლევს, მალფუჭებად პროდუქტებს უკავშირდება. პაატა იმნაძე მოქალაქეებს ურჩევს, მალფუჭებადი პროდუქტები მაცივარში შეინახონ. სამზარეულოს დაფები უმი და თერმულად დამუშავებული პროდუქტებისთვის ცალ-ცალკე იქონიონ და ქუჩაში ასფალტზე დაგდებული საკვები პროდუქტი არ შეიძინონ.

ipn.ge


ნანახია: 617-ჯერ

მსგავსი სიახლეები
დაავადებათა კონტროლის ეროვნული ცენტრის სამეცნიერო ხელმძღვანელი პაატა იმნაძე მოსახლეობას ტკიპებისგან თავდაცვას ურჩევს.
პაატა იმნაძე, პრევენციის მიზნით, მოსახლეობას ხელის ხშირ დაბანვასა და აცრების ჩატარება ურჩევს.
პაატა იმნაძე დაავადებულ მოსახლეობას სახლში დარჩენას ურჩევს და შესაბამისი რეკომენდაციებით მიმართავს.
პაატა იმნაძის განცხადებით, შემოდგომის სეზონზე თავს იჩენს წითელა და წითურა, რისთვისაც აუცილებელია, რომ მშობელმა მოზარდი
კოღოებისგან დასაცავად შესაძლებელია რეპელენტების, დამაფრთხობლების გამოყენება. მისივე თქმით, აღნიშნული საშუალებები ლოსიონის,
პაატა იმნაძის განცხადებით, ამჟამად წყნარი პერიოდია და ყოველ 100 ათას მოქალაქეზე მომართვიანობის მაჩვენებელი 200-300 ადამიანს
ქალბატონს მოულოდნელად მძიმე დაავადება, ძვლის ტვინის სიმსივნე დაუდგინეს.
კომპოზიციის ნაწილის გაუჩინარებას მოქალაქეთა უკმაყოფილება მოჰყვა. მოქალაქეები აცხადებენ, რომ ძეგლი მოიპარეს.
სამუშაოებს 'სპეციალური სერვისები' ახორციელებს.

ამინდი