"ქუთაისის მერიისთვის თუ არსებობს ბალახვნის ცენტრში, განჯის ქუჩაზე მაცხოვრებელი ხალხი?"

ქუთაისში, განჯის ქუჩაზე მაცხოვრებლები ქალაქის ხელისუფლებისგან ყურადღებას ითხოვენ. მოსახლეობა აღნიშნულ ქუჩაზე არსებულ ამორტიზებულ გზას აპროტესტებს.

"ძალიან გვაინტერესებს ქუთაისის განჯის ქუჩაზე მცხოვრებლებს ქუთაისის მერიისთვის თუ არსებობს ბალახვნის ცენტრში, განჯის ქუჩაზე მაცხოვრებელი ხალხი ან მათი მდგომარეობა. თუ წვიმს, ნავი არის საჭირო. ქარში-სილასა და ნაგავში ვართ ჩაფლულები იმიტომ, რომ ამჟამად აქ არ ცხოვრობს მერიის რომელიმე თანამშრომელი. ალბათ არჩევნებისთვის მოგვიგონებთ და არ დაგვტოვებთ უყურადღებოდ. როგორ დავიჯეროთ, რომ რომელიმე თქვენს თნამშრომელს ერთხელ მაინც არ გაუვლია განჯის ქუჩაზე?! ისიც ძალიან გვაინტერესებს, ასეთი სანიმუშო, კეთილმოწყობილი და ქალაქისთვის სამარცხვინო ქუჩა მეორე თუ არსებობს ქალაქის ცენტრში კი არა, გარეუბანში სადმე," - აცხადებს მოსახლეობა.


ქუთაისის მერიაში აცხადებენ, რომ განჯის ქუჩაზე სანიაღვრე სისტემა არ არსებობს. როგორც ადგილობრივ ხელისუფლებაში ამბობენ, ტენდერში გამარჯვებული კომპანია პირველ რიგში აღნიშნულ ქუჩაზე სანიაღვრე სისტემის მოწესრიგებას დაიწყებს, რის შემდეგაც გზის მოწყობა მოხდება. მერიაში განმარტავენ, რომ სამუშაოები უახლოეს მომავალში დაიწყება.