ჩეხური არასამთავრობო ორგანიზაციის ქველმოქმედება წყალტუბოში

ჩეხური არასამთავრობო ორგანიზაცია „ადამიანი გაჭირვებაში“ (Pin) -სა და წყალტუბოს მუნიციპალიტეტის გამგებელს შორის დადებული ურთიერთგაგების მემორანდუმის საფუძველზე, მსოფლიო ბანკის დაფიფნასებული პროექტის - „ახალგაზრდული ჩართულობისა და სოციალური ანგარიშვალდებულებების“ ფარგლებში, მუნიციპალიტეტის 11 სოფელში ნაგვის ბუნკერები დაიდგმება. ბუნკერები წყალტუბოს მუნიციპალიტეტის გამგებლის მოადგილემ რევაზ მესხმა და უკვე ჩაიბარა.

32 ცალი ბუნკერის განაწილება, მოვლა-პატრონობა და ნარჩენების გატანაზე ზრუნვა ა(ა).ი.პ. წყლტუბოს მუნიციპალიტეტის დასუფთავების სამსახურს დაევალა.

აღნიშნულის გარდა, „ახალგაზდული ჩართულობისა და სოციალური ანგარიშვალდებულებების პროექტის“ ფარგლებში, მუნიციპალური გეგმის ათი პრიორიტეტიდან, ოთხს - ადგილობრივი თვითმმართველობა ახორციელებს. ამ პრიორიტეტებს შორისაა ინფორმაციის და თანამედროვე ტექნოლოგიების ხელმისაწვდომობა ახლაგაზრდებისთვის, რაც ითვალისწინებს Pin-ის მიერ შესყიდული ინტერნეტის რუტორების განსათავსებლად ადმინისტრაციული შენობების გამოყოფას და ინტერნეტის წლიური გადასახადით უზრუნველყოფას.

უახლოეს მომავალში წყალტუბოს მუნიციპალიტეტის ტერიოტრიაზე, 26 ბიბლიოთეკაში დარიგდება შემეცნებითი თემატიკის ლიტერატურა და თანამედროვე მწერლების წიგნები. წიგნების გადანაწილება და მოვლა პატრონობა ა.ა.ი.პ წყალტუბოს მუნიციპალიტეტის კულტურისა და. ტურზმის ცენტრის, საბიბლიოთეკო გაერთიანებას დაევალა.

წყალტუბოს გამგეობის კულტურის, განათლების, სპორტისა და ახლაგაზრდობის საქმეთა სამსახურის უფროსის, რიმა მარგიანის განმარტებით, სოფლებში ინტელექტუალური თამაშების ჩასატარებლად არასამთავრობო ორგანიზაცია Pin-მა შესაბამისი აპარატურა (დინამიკები და 2 მიკროფონი) შეუძინა მუნიციპალიტეტს.

„ეს ყველაფერი ჩვენი ძალისმევით გაკეთდა, მადლობას ვუხდი იმ ახალგაზრდებს, ვინც კომიტეტში შევიდა და საკუთარი სურვილები და ინიციატივები მოგვაწოდა. ეს არის სრულიად აპოლიტიკური პროცესი და გაკეთდა ძალიან დიდი საქმე, მადლობას ვუხდით არასამთავრობო ორგანიზაცია ს და მსოფლიო ბანკს, რომელმაც დააფინანსა ეს პროექტი, “ - განაცხადა რიმა მარგიანმა.

პროექტის ფარგლებში სპორტულ ინვენტარს და ფორმებს ელოდებიან. რომელიც წყალტუბოს მუიციპალიტეტის 7 სოფელში, ქალქის 4 საჯარო სკოლაში, 2 კერძო და სოფლის 4 სკოლაში გადანაწილდება.