ქუთაისში ჩინური ინვესტიციით ლიფტების ქარხანა აშენდება

ქუთაისში ჩინეთის შანდონგის პროვინციის დელეგაცია იმყოფებოდა. შანდონგის ქალაქ ლაივუსა და ქუთაისს შორის დამეგობრების მემორანდუმი გაფორმდა. მემორანდუმს ხელი ქუთაისის მერმა შოთა მურღულიამ და ლაიუს სრულიად ჩინეთის წარმომადგენელთა კონგრესის მუდმივი კომიტეტის თავმჯდომარემ ვანგ ლიანგმა მოაწერეს ხელი.

შეხვედრაზე ასევე იმყოფებოდნენ „ჰუალინგ ჯგუფის“ წარმომადგენლები, რომლებმაც ქუთაისის მერს შოთა მურღულიას და იმერეთის გუბერნატორს გივი ჭიჭინაძეს შეხვდნენ. „ჰუალინგ ჯგუფი“ ქუთაისში რამდენიმე წელია ბიზნეს საქმიანობას ეწევა. ქალაქ ლაივუსთან დამეგობრება „ჰუალინგ ჯგუფის“ ინიციატივა იყო.

"ჰუალინგ ჯგუფი" დიდ ინვესტიციას ახორციელებს ქუთაისში და ეს შეხვედრაც დამატებით ინვესტიციების მოზიდვას ემსახურებოდა. ზოგადად ეკონომიკური ურთიერთობა არის ძალიან მნიშვნელოვანი. ქუთაისში შენდება ერთ-ერთი დიდი ლიფტების საწარმო, რაც ნიშნავს ასობით დასაქმებულ ადამიანს ჩვენს ქალაქში. ეს უკვე გადაწყვეტილია. ასევე, 4 მსხვილ ინვესტიციაზეა მოლაპარაკებები,"-განაცხადა შოთა მურღულიამ.