'ამ ნაგებობის მშენებლობის შემდეგ ქუთაისში ეკოლოგიური მდგომარეობა გაუმჯობესდება'

საქართველოს ინფრასტრუქტურისა და რეგიონული განვითარების სამინისტროს ინიციატივით, ქუთაისის მახლობლად ჩამდინარე წყლების გაწმენდითი ნაგებობების მშენებლობა დაიწყება.

პროექტის მიზანი ქუთაისში თანამედროვე ტიპის ბიოლოგიური გამწმენდი ნაგებობების მშენებლობა, რომელიც საკანალიზაციო წყლების გაწმენდას მოახდენს.

დაინტერესებული პირებისა და საჯარო მოხელეთათვის აღნიშნული პროექტის ღია განხილვა მოეწყო. გარემოს დაცვის სამინისტროს წარმომადგენლებმა თვითმმართველობის სხდომათა დარბაზში ჩამდინარე წყლების გაწმენდითი ნაგებობების მშენებლობისა და ექსპლოატაციის პროექტის გარემოზე ზემოქმედების შეფასება გააკეთეს. მათივე თქმით, ამ ნაგებობის მშენებლობის შემდეგ ქალაქში ეკოლოგიური მდგომარეობა გაუმჯობესდება.

ჩამდინარე წყლების გაწმენდითი ნაგებობების მშენებლობას საერთაშორისო საფინანსო ორგანიზაციები აფინანსებენ.