ქუთაისში ბოლნისის 'სიონისა' და თბილისის 'დინამოს' ფინალურ თამაშს საქართველოს პრეზიდენტი დაესწრება

18 მაისს ქუთაისის "რამაზ შენგელიას" სახელობის ცენტრალური სტადიონი დავით ყიფიანის სახელობის საქართველოს თასის 2015–2016 წლების გათამაშების ფინალურ მატჩს უმასპინძლებს.

ერთმანეთს ბოლნისის "სიონი" და თბილისის "დინამო" შეხვდებიან. თამაში 19:00 საათზე დაიწყება. დასწრება კი თავისუფალი იქნება.

ფინალს საქართველოს პრეზიდენტი გიორგი მარგველაშვილი დაესწრება.

17 მაისს კი გუნდები წინასაფინალო ვარჯიშებს ჩაატარებენ.

19:00 საათზე "დინამო" ქუთაისის ცენტრალური სტადიონის მოედანზე ივარჯიშებს, "სიონი" კი 20:00 საათზე.

19:45 საათზე გუნდების მწვრთნელები, იურაი იარაბეკი და არმაზ ჯელაძე მატჩისწინა ერთობლივ პრესკონფერენციას ჩაატარებენ.