ქუთაისში პირველი ბრენდული Best Western International-ის სასტუმრო შემოდგომაზე გაიხსნება

Best Western-ის 3 ვარსკვლავიანი საერთაშორისო ბრენდის სასტუმრო ქუთაისში, ქალაქის ისტორიულ ცენტრში, თეთრი ხიდის მიმდებარე ტერიტორიაზე შენდებაბა.
სასტუმრო შემოდგომაზე გაიხსნება და ის 40 სტანდარტულ და 5 ლუქსს კლასის ნომერს გააერთიანებს. სასტუმროს ინფრსტრუქტურა 3 საკონფერენციო დარბაზს, ღია და დახურული ტიპის კაფე-რესტორანს მოიცავს.

Best Western International-ის ბრენდის სასტუმროს საპარტნიორო ფონდი კომპანია "კაპიტოლ ჰოლდინგთან" ერთად აშენებს. ტურიზმის სექტორში ახალი სასტუმროს პროექტის განხორციელება საპარტნიორო ფონდმა ოფიციალურად ივლისში დაიწყო.

პროექტის ღირებულება 3 მილიონი დოლარია, სადაც ფონდის მონაწილეობა 1.4 მილიონ დოლარს შეადგენს. სასტუმროს დეველოპმენტს, რომელიც მიმდინარე წლის შემოდგომაზე დასრულდება, კომპანია "სიმეტრია" ახორციელებს.