ქუთაისის ქუჩების ნაწილს ორი დღის განმავლობაში ენერგომომარაგება შეეზღუდება

სს „საქართველოს ელექტროსისტემის“ მიერ 220 კვ გადამცემ ხაზ „სათაფლიაზე“ წარმოებული სარეაბილიტაციო სამუშაოების მიმდინარეობის პროცესში, უსაფრთხოების დაცვის მიზნით, მიმდინარე წლის 14 და 15 მაისს 11:00-დან 14:00 სთ-მდე ელექტროენერგიის მიწოდება დროებით შეუწყდება ქვესადგურ „მოწამეთადან“ გამავალ ფიდერებს: N129, ტელევიზია და წყალსადენი. ძაბვის შეზღუდვა შეეხება დაახლოებით 940 აბონენტს კლდიაშვილის, გელათის, კიბულას, ტყიბულის (ნაწილ.), განათლების (ნაწილ.) ქუჩებზე. ინფორმაციას ამის შესახებ "ენერგო პრო ჯორჯიას" დასავლეთ საქართველოს ფილიალის საზოგადოებასთან ურთიერთობის სამსახური ავრცელებს.