თერჯოლის გამგებელი: გპირდებით, რომ ყურადღება არ მოგაკლდებათ

თერჯოლის მუნიციპალიტეტის გამგებელი თეიმურაზ ჯაფარიძე,საკრებულოს თავმჯდომარის მოადგილე სოფიო ბუსკივაძე, ა(ა)იპ სკოლამდელი აღზრდის მუნიციპალური ცენტრის დირექტორი მაია თორთლაძე ღვანკითის საბავშვო ბაღს ესტუმრნენ და შერეული ასაკის აღსაზრდელთა პროექტს „მწერები ჩვენს სამყაროში“ დაესწრნენ.


თერჯოლის მუნიციპალიტეტის გამგებელმა თეიმურაზ ჯაფარიძემ აღნიშნა, რომ კმაყოფილი დარჩა პატარების მრავალფეროვანი და მრავალმხრივი აქტივობით, წარმატებული და ნათელი მომავალი უსურვა მათ. მადლობა გადაუხადა მშობლებსა და ღვანკითის პედკოლექტივს იმ ზრუნვისათვის, რასაც ისინი პატარების მიმართ იჩენენ.

„ჩვენი ერთ-ერთი მთავარი პრიორიტეტი გახლავთ საბავშვო ბაღების მშენებლობა და რეაბილიტაცია, რათა ჩვენს მომავალ თაობებს ჰქონდეს კარგი პირობები აღზრდისათვის. გასულ წელს თერჯოლაში 5 ახალი ბაღი აშენდა. ჩემთვის ცნობილია, რომ ღვანკითის საბავშვო ბაღიც რემონტს საჭიროებს. გპირდებით, რომ მუნიციპალიტეტის ხელმძღვანელობის მხრიდან ყურადღება არ მოგაკლდებათ. ვეცდებით, ახლო მომავალში დავიწყოთ ღვანკითის საბავშვო ბაღის შენობის რეაბილიტაცია,“-აღნიშნა თემურ ჯაფარიძემ.