ტყიბულში ვეტერანებს ფულადი საჩუქრები გადაეცათ

ტყიბულში ფაშიზმზე გამარჯვების 71-ე წლისთავი აღნიშნეს.

9 მაისს ღონისძიება დილიდან დაიწყო. ტყიბულის მუნიციპალიტეტის გამგებლის მოადგილეებმა: შალვა გაბრიაძემ და გიორგი ლომთაძემ, საკრებულოს თავმჯდომარემ თამაზ კუბლაშვილმა, მეორე მსოფლიო ომის გმირის გრიგოლ გაბრიაძის ბიუსტი ყვავილებით შეამკეს და ომის ვეტერანებს ფაშიზმზე გამარჯვების დღე მიულოცეს.

ტყიბულის მუნიციპალიტეტში მცხოვრებ მეორე მსოფლიო ომის 12 მონაწილეს, საქართველოს პრემიერ-მინისტრის განკარგულების თანახმად, ფაშიზმზე გამარჯვების 71-ე წლისთავთან დაკავშირებით 600 ლარი გადაეცათ, ხოლო ადგილობრივი ბიუჯეტიდან 100 ლარი და სასაჩუქრე კალათები დაურიგდათ.

გამგებლის მოადგილეებმა და ჯანმრთლობისა და სოციალური დაცვის სამსახურის უფროსმა ნელი ქარელმა იმ ვეტერანებს, რომლებმაც ღონისძიებაზე მისვლა ვერ შეძლეს, ფაშიზმზე გამარჯვების დღე სახლში მიულოცეს.

პრემიერ-მინისტირის განკარგულებით 300 ლარიან დახმარებას მარჩენალდაკარგული ოჯახებიც მიიღებენ.