'თანამედროვე პოლიტიკა შეუძლებელია რელიგიისგან გამიჯვნის გარეშე'

აკაკი წერეთლის სახელმწიფო უნივერსიტეტში ილიას სახელმწიფო უნივერსიტეტის პროფესორებმა მამუკა ბერიაშვილმა და გიორგი მაისურაძემ სტუდენტებთან შეხვედრა გამართეს. შეხვედრის თემას რელიგიისა და სახელმწიფოს მიმართები წარმოადგენდა.

რეგიონული ვორქშოპი პროექტის- ,,სახელმწიფოებრივი მოწყობის საპრეზიდენტო კოლეგიუმის" ფარგლებში გაიმართა.

შეხვედრისას მომხსენებლებმა ისაუბრეს იმაზე, თუ რა მნიშვნელობა აქვს სახელმწიფოს გამართული ფუნქციონირებისათვის ამავე სახელწიფოს საერო და სასულიერო ხელისუფლებების გამიჯვნას. გიორგი მაისურაძის თქმით, ,,სახელმწიფო არსებობს იმდენად, რამდენადაც ის სეკულარულ პრინციპებზეა დაფუნებული". მისივე თქმით, თანამედროვე პოლიტიკა შეუძლებელია რელიგიისგან გამიჯვნის გარეშე.

შეხვედრის ოფიციალური ნაწილის დასრულების შემდეგ, მომხსენებლებსა და სტუდენტებს შორის აღნიშნულ საკითხებთან დაკავშირებით დისკუსია გაიმართა.

პროექტი ,,სახელმწიფოებრივი მოწყობის საპრეზიდენტო კოლეგიუმი" საქართველოს საზოგადოებრივ საქმეთა ინსტიტუტის (GIPA) მიერ, საქართველოს პრეზიდენტის სარეზერვო ფონდის დაფინანსებით იმართება.

პროექტის მიზანს სახელმწიფო მოწყობასთან დაკავშირებულ მნიშვნელოვან საკითხებზე საჯარო, აკადემიური და პოლიტიკური დისკუსიების გამართვა წარმოადგენს. პროექტის მიმდინარეობის 11 თვის მანძილზე, ქუთაისის გარდა, მომხსენებლები საქართველოს სხვა საუნივერსიტეტო ქალაქებშიც გამართავენ შეხვედრებს.

თიკო ძოძუაშვილი