ვარდების გამოფენა ქალაქის ცენტრში

"ვარდის სახლმა" გვირილობისთვის 200–მდე ჯიშის ვარდი და ათობით სხვადასხვა სახის ყვავილი და მცენარე გამოფინა.

განსაკუთრებული პოპულარობით წლევანდელ გამოფენაზე ვარდი "სიმსალაბიმი" სარგებლობს.

ვარდის ფასები 10–დან 40 ლარამდე მერყეობს.

ყვავილების შეძენის გარდა, ვარდის სახლის პერსონალისგან მომხმარებელს ყვავილის მოვლაზე რჩევები შეუძლიათ მიიღონ.

"დღეს ქუთაისლების დღესასწაულია და ჩვენც მონაწილეობას ჩვენი გამოფენით ვიღებთ. ჩვენ ორიენტირებული არ ვართ გაყიდვაზე,ჩვენ ვატარებთ ძირითადად მასტერკლასებს და ყურადღება გადატანილი გვაქვს ხალთან კონტაქტზე. ბევრს ეშინია, რომ ვარდს ვერ მოუარონ სწორად, ამიტომ ჩვენ მომხმარებლის ნომრებს ვიტოვებთ და ვასწავლით, რა დროს შეიძლება შეწამვლა, როგორ უნდა შეიწამლოს, ვასწავლით გასხვლას და გადარგვას, ეს მასტერკლასი სრულიად უფასოა",-განაცხადა "ვარდის სახლის" დირექტორმა ამბაკო ბრეგვაძემ.