ქუთაისში „გვირილობის“ დღესასწაულის აღნიშვნა დაიწყო

ქუთაისში, 2 მაისს ტრადიციულად ქალაქობის დღესასწაული „გვირილობა“ აღინიშნება.
წელს ზეიმი ერთი დღის ნაცვლად მთელი კვირა გაგრძელდება.
"2 მაისი მიცვალებულთა მოხსენიების დღეს დაემთხვა, ამიტომ კვირეულის აღნიშვნა ადგილობრივმა მთავრობამ „მწვანე ყვავილას“ მწერალთა და საზოგადო მოღვაწეთა პანთეონიდან დაიწყო,"- აცხადებენ ქალაქის მერიაში.
ქუთაისის მერმა შოთა მურღულიამ, იმერეთის ვიცე-გუბერნატორმა სოსო ხახალეიშვილმა და ადგილობრივი თვითმმართველობის წევრებმა პანთეონში პატივი მიაგეს ღვაწლმოსილ ქუთაისელებს და მათი სულების მოსახსენიებელ პანაშვიდს დაესწრნენ.