საქსტატი- იმერეთის რეგიონში 533 906 ადამიანი ცხოვრობს

"საქსტატმა“ საქართველოს მოსახლეობის საყოველთაო აღწერის შედეგები გამოაქვეყნა.

მოსახლეობის აღწერა ქვეყნის მასშტაბით ჩატარდა, ოკუპირებული აფხაზეთის და ე.წ. სამხრეთ ოსეთის გამოკლებით.

აღწერის შედეგებით, თბილისში 1 108 717 ადამიანი ცხოვრობს.

მოსახლეობის განაწილება რეგიონების მიხედვით ასეთია: 533 906 ადამიანი იმერეთის რეგიონში ცხოვრობს; შემდეგ მოდის ქვემო ქართლის რეგიონი 423 986 მაცხოვრებლით; აჭარა – 333 953; სამეგრელო–ზემო სვანეთი – 330 761; კახეთი – 318 583; შიდა ქართლი – 263 382; სამცხე–ჯავახეთი – 160 504; გურია – 113 350; მცხეთა–მთიანეთი – 94 573; რაჭა–ლეჩხუმი და ქვემო სვანეთი – 32 089.