ქუთაისში, სააღდგომო დღესასწაულთან დაკავშირებით, დასუფთავების აქცია გაიმართა

ქუთაისში, სააღდგომო დღესასწაულთან დაკავშირებით, ნიკეას ქუჩაზე არსებული სასაფლაოს მიმდებარე ტერიტორია და მთლიანი პერიმეტრი გაიწმინდა.

სამუშაოების ფარგლებში მოიცელა ბალახები და სპეც.ტექნიკის მეშვეობით ტერიტორიიდან ნარჩენების გატანა მოხდა.

დასუფთავების აქცია საქართველოს რეგიონალური განვითარებისა და ინფრასტრუქტურის სამინისტროს მყარი ნარჩენების კომპანიისა და ა(ა)იპ "სპეციალური სერვისების" ერთობლივი ძალისხმევით გაიმართა.

როგორც "სპეციალური სერვისების" საზოგადოებასთან ურთიერთობის სამსახურში განაცხადეს, მსგავსი ტიპის ერთობლივი აქცია პირველი არ არის და ქუთაისში უკვე რამდენჯერმე მოეწყო.