'გირჩის' მოწოდების შემდეგ ქუთაისში არალეგალური ნაგავსაყრელი დაასუფთავეს

„ახალი პოლიტიკური ცენტრის“ მიერ გავრცელებულ ინფორმაციას -ფალიაშილის ქუჩაზე ანტისანიტარიის შესახებ რეგირება მოჰყვა. ამის შესახებ ინფორმაციას "გირჩის" ქუთაისის ოფისი ავრცელებს.

"რამდენიმე დღის წინ „გირჩის“ ქუთაისი ორგანიზაცის ხელმძღვანელმა თემურ ცამციშვილმა ფოტოები გამოაქვეყნა ფალიაშვილის ქუჩაზე მდებარე კერძო საკუთრების ნაგავსაყრელად ქცევის შესახებ. ცამციშვილმა მოუწოდა შესაბამის უწყებებს პრობლემა დროულად გადაეჭრათ. საკითხის დროულ მოგვარებას ადგილზე განთვასებული კვების ობიექტების მეპატრონეებიც ითხოვდნენ. ამჟამად ტერიტორია დასუფთავებულია.

„ახალი პოლიტიკური ცენტრის“ მიერ გავრცელებულ და წამოჭრილ პრობლემებს არაერთხელ მოჰყოლია რეაგირება ადგილობრივი თვითმმართველობის მიერ. ზოგადად ეს კარგი ტენდენციაა. კონკრეტულად ეს შემთხვევა მოითხოვს პრობლემის დროულად გადაჭრას და კერძო მესაკუთრის მიერ აღებული ვალდებულებების დროულად შესრულებას. იმედს ვიტოვებთ, რომ ტერიტორიის დასუფთავება მხოლოდ ერთჯერადად არ მოხდება,“-აღნიშნავს "გირჩის" ქუთაისის ოფისის ხელმძღვანელი თემურ ცამციშვილი.