ქუთაისში ესტონეთის დელეგაცია იმყოფება

ქუთაისში ესტონეთის ქალაქ ტარტუს მერი ურმას კლასი, საქართველოში ესტონეთის ელჩი პრიიტ ტურკი და ქალაქ ტარტუს უნივერსიტეტის რექტორი იმყოფებიან. დელეგაციას ქუთაისში თან ახლავს ქართველი დიპლომატი ესტონეთში თეა ახლვლედიანი. ესტონელ სტუმრებს ქუთაისის მერმა შოთა მურღულიამ უმასპინძლა. მერიის სხდომათა დარბაზში ქუთაისისა და ტარტუს ტურისტული პოტენციალის პრეზენტაცია შედგა. პრეზენტაციას ქუთაისის თვითმმართველობის წარმომადგენლები და გუბერნატორის მოადგილე სოსო ხახალეიშვილი დაესწრნენ. ქუთაისის მერმა შოთა მურღულიამ ტარტუსთან, როგორც საუნივერსიტეტო ქალაქთან თანამშრომლობაზე ისაუბრა. შეხვედრის დასასრულს მხარეებმა ერთმანეთს სამახსოვრო საჩუქრები გადასცეს.