ბაღდათის საკრებულოს თავმჯდომარე გამგებლის დაკავების დეტალებს იხსენებს

ბაღდათის საკრებულოს თავმჯდომარე გრიგოლ მაჩიტაძე აცხადებს, რომ სავარაუდოდ, გამგებელი ირაკლი გეგეშიძე საკრაულა-დიმის გზის მონაკვეთზე დაგებული ასფალტის საფარის გამო დააკავეს.

მაჩიტაძის თქმით, როგორც კი შეიტყო, რომ ანტიკორუფციული პოლიციის წარმომადგენლები გამგეობაში იმყოფებოდნენ, გამგებლის კაბინეტში შევიდა.

მისივე თქმით, სამართალდამცავებს გამგებელი შენობიდან გაჰყავდათ.


შეგახსენებთ, რომ ბაღდათის გამგებელი ირაკლი გეგეშიძე ანტიკორუფციული სამსახურის წარმომადგენლებმა საკუთარ სამუშაო კაბინეტში დააკავეს. ამ თემაზე სახელმწიფო უსაფრთხოების სამსახურში ბრიფინგი გაიმართა, სადაც აღნიშნეს, რომ გეგეშიძეს 7-დან 11 წლამდე პატიმრობა ემუქრება.