Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

თსუ-ეკო კლუბმა დედამიწის დღეს ზესტაფონში სატყეო სექტორის გამწვანებაში მიიღო მონაწილეობა

თარიღი : 24-04-2016, 00:36 | კატეგორია: ახალი ამბები   
topnews.com.ge
დედამიწის საერთაშორისო დღეს, 22 აპრილს, ზესტაფონის მუნიციპალიტეტის თვითმმართველობისა და სატყეოს ეროვნული სააგენტოს მხარდაჭერით, ზესტაფონის მუნიციპალიტეტის ყველაზე მაღალი წერტილის - სამშრალიის (ზღვის დონიდან 1088 მ) ძირში ე. წ. ვაკნარის ტერიტორიაზე, ზღვის დონიდან 800 მეტრზე 2200 ძირი აკაციის ნერგი დაირგო.

გამწვანების აქციაში მონაწილეობას ზესტაფონის მუნიციპალიტეტის გამგეობასთან და იმერეთის სატყეო სააგენტოს წარმომადგენლებთან ერთად, ტყიბულის მუნიციპალიტეტის მაჟორიტარი დეპუტატი ელისო ჩაფიძე, იმერეთის სამხარეო ადმინისტრაციის წარმომადგენლები, ივანე ჯავახიშვილის სახელობის სახელმწიფო უნივერსიტეტის სტუდენტები და თსუ-ს ასისტენტ პროფესორი, ,,თსუ-ეკო-კლუბის“ კოორდინატორი გიორგი დვალაშვილი იღებდა. როგორც მუნიციპალიტეტის გამგებელმა ტარიელ თუთარაშვილმა აღნიშნა, ,,აქციის მიზანი საზოგადოების ცნობიერების ამაღლებაა, ეს ღონისძიება ამავდროულად ბუნებრივი გარემო პირობების შენარჩუნებასა და გაუმჯობესებას ემსახურება. აქციის ფარგლებში სახელმწიფო ტყის ფონდში 1 ჰა ფართობის განაშენიანება მოხდა“.
http://www.picz.ge/img/s1/1604/24/5/50545c11b689.jpg

იმერეთის რეგიონში ეროვნული სატყეო სააგენტოს ხელმძღვანელის მამუკა ცინცაძის თქმით, ზესტაფონის ერთ-ერთ ღირსშესანიშნავ ადგილას, იმერეთის რეგიონის ტყის სექტორის საგაზაფხულო სეზონის გამწვანების პროცესი სიმბოლურად დედამიწის დღეს დასრულდა.

"მრავალ უწყებასთან ერთად, ღონისძიებაში მომავალი გეოგრაფები და ეკოლოგები, თსუ-ს სტუდენტები იყვნენ ჩართული, რამაც აღნიშნული ღონისძიება მასშტაბური გახადა. დიდი მადლობა ზესტაფონის მუნიციპალიტეტის გამგებელს განსაკუთებლი მხრადაჭერის და თანამდგომისთვის, შემოდგომით გამწვანების აქცია უფრო მასშტაბური და გრანდიოზული იქნება. ჩვენ იმედი გვაქვს, უფრო მეტი დაინტერესებული პირი შემოგვიერთდება და აქტიურად ჩაერთვებიან მოხალისეები და სპეციალისტები. უფრო მეტი ადგილი იქნება გამწვანებული და ეკოლოგიურად მდგრადი ტერიტორიების ფართობი მკვეთრად გაიზრდება," - განაცხადა ცინცაძემ.

ივანე ჯავახიშვილის სახელობის სახელმწიფო უნივერსიტეტის ასისტენტ პროფესორი გიორგი დვალაშვილის თქმით, მომავალში იმერეთის რეგიონის მუნიციპალიტეტებისა და ეროვნული სატყეო სააგენტოს მიერ მოწყობილ ღონისძიებებში თსუ-ეკო-კლუბი კვლავ აქტიურად იქნება ჩართული.

,,დედამიწის დღეს, თსუ-ეკო-კლუბმა საინტერესო ღონისძიებაში მიიღო მონაწილეობა. დიდი მადლობა იმერეთის რეგიონში ეროვნული სატყეო სააგენტოსა და ზესტაფონის მუნიციპალიტეტის გამგებელს მხარდაჭერისთვის. სტუდენტებს საშუალება მიეცათ დაერგოთ ხეები სატყეო სექტორის ზონაში, აგრეთვე, გაეცნენ ზესტაფონის ერთ-ერთ ღირსშესანიშნავ ადგილს ვაკნარს, საიდანაც მდინარე ყვირილას აუზის, კოლხეთის დაბლობის, რაჭის ქედისა და სვანეთის კავკასიონის მწვერვალების უნიკალური პანორამა იშლება,“- აცხადებს დვალაშვილი.


ნანახია: 946-ჯერ

მსგავსი სიახლეები
აქციის ფარგლებში სოფელ ხრეითში 7 ათასამდე სხვადასხვა ჯიშის ნერგი დაირგო.
დღეს ვანის მუნიციპალიტეტის გამგეობის სააქტო დარბაზში სსიპ ეროვნული სატყეო სააგენტოს წარმომადგენლებთან შეხვედრა გაიმართა.
ტყის განახლების პროექტი პერმანენტულად გაგრძელდება და იმერეთის ყველა მუნიციპალიტეტს მოიცავს.
გავს აქციებს სამინისტრო ინტენსიურად აწყობს და მიმდინარე წელს გაზაფხულისა და შემოდგომაზე იმერეთის რეგიონში 30 ჰა-მდე ტყის აღდგენას
აქციის ფარგლებში, სოფელ ამაღლებაში 2.5 ჰა. მიწის ფართობზე 3 500 – მდე ძირი ხე დაირგო.
წლების წინ გაუვალი ტყის ტერიტორია დღეს განადგურებულია.
სამტრედიაში ქართული ოცნების წევრის სახლი გაქურდეს.

ამინდი