ქუთაისში მოსახლეობამ საპროტესტო აქცია გამართა

ქუთაისში, ბუხაიძის ქუჩაზე ადგილობრივებმა საპროტესტო აქცია გამართეს.

აქციის მონაწილეები კორპუსის მახლობლად ახალი კორპუსის მშენებლობას აპროტესტებენ.

ადგილობრივი მოსახლეობის თქმით, ტერიტორიაზე ათეული წლების განმავლობაში ბავშვები თამაშობდნენ, დღეს კი, მშენებლობის დაწყების შემთხვევაში, რამდენიმე კორპუსი ეზოს გარეშე რჩება.

ქუთაისის მერიაში აცხადებენ, რომ აღნიშნული მიწის ნაკვეთი წლების წინ გასხვისდა.

არქიტექტურის სამსახურში აცხადებენ, რომ ფართის მეპატრონეს კანონის სრული დაცვით აქვს პერიმეტრი შეძენილი და კომპანიას მშენებლობის დაწყების ლეგიტიმური უფლება აქვს.