Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

მომავალი წლის ბიუჯეტში პენსიების 220 ლარამდე გასაზრდელად თანხები არ დევს

თარიღი : 25-10-2013, 09:42 | კატეგორია: ახალი ამბები   
topnews.com.ge
17 ოქტომბერს საპრეზიდენტო დებატებზე დავით ბაქრაძემ გიორგი მარგველაშვილის ყურადღება „ქართული ოცნების“ მიერ გაკეთებულ 3 ძირითად დაპირებაზე, კერძოდ, პენსიის 220 ლარამდე გაზრდაზე და 60 ქარხნისა და ათი ათასობით სამუშაო ადგილის შექმნაზე გაამახვილა. დავით ბაქრაძემ იკითხა, თუ როგორ აპირებენ ისინი ამ დაპირებების განხორციელებას, მაშინ, „როცა მომავალი წლის ბიუჯეტში არცერთი თეთრი არ არის ჩადებული პენსიების ზრდაზე. როდესაც არცერთი ქარხნის მშენებლობა არ არის დაწყებული და როდესაც სტატისტიკის მონაცემებით, რამდენიმე ათეულობით ათასობით სამუშაო ადგილი არის დაკარგული’’.

ფაქტ-მეტრმა გადაწყვიტა გადაემოწმებინა, არის თუ არა 2013 წელთან შედარებით პენსიების ზრდა გათვალისწინებული „საქართველოს 2014 წლის სახელმწიფო ბიუჯეტის შესახებ’’ კანონის პროექტში.

„საქართველოს 2013 წლის სახელმწიფო ბიუჯეტის შესახებ’’ საქართველოს კანონის მიხედვით, პენსიების ოდენობა სხვადასხვა ასაკის მქონე პირთათვის განსაზღვრულია შემდეგი პრინციპით:

1) 2013 წლის 1 აპრილამდე განისაზღვროს სახელმწიფო პენსიის შემდეგი ფულადი ოდენობები:

ა) 60-დან 67 წლამდე ქალებისა და 65-დან 67 წლამდე მამაკაცებისთვის − 110 ლარი;

ბ) 67 წლის და 67 წელზე მეტი ასაკის პირთათვის − 125 ლარი;

2) 2013 წლის 1 აპრილიდან 2013 წლის 1 სექტემბრამდე ყველა ასაკით პენსიონერისთვის სახელმწიფო პენსიის ფულადი ოდენობა განისაზღვროს 125 ლარით;

3) 2013 წლის 1 სექტემბრიდან ყველა ასაკით პენსიონერისთვის სახელმწიფო პენსიის ფულადი ოდენობა განისაზღვროს 150 ლარით.

აქვე უნდა აღინიშნოს, რომ 2013 წლისთვის პენსიონერთათვის პენსიების ზრდა ასევე დაგეგმილი იყო წინა ხელისფლების მიერაც, რაც მათ მიერ შემუშავებული და წარდგენილი ბიუჯეტის პროექტით დასტურდება.

ჯანდაცვის სამინისტროს მიერ განსახორციელებელი ღონისძიებების მიხედვით, 2014 წლისთვის, ყველა ასაკით პენსიონერთათვის სახელმწიფო პენსია კვლავ 150 ლარი რჩება. ეს ინფორმაცია ფინანსთა სამინისტროში გასაუბრების შემდეგაც დაგვიდასტურეს.

დავით ბაქრაძის განცხადებით, 2014 წლის ბიუჯეტში პენსიების ზრდა არ არის გათვალისწინებული. 2013 წელს ყველა ასაკით პენსიონერთათვის სახელმწიფო პენსია პირველი სექტემბრიდან 150 ლარამდე გაიზარდა. 2014 წლის ბიუჯეტის პროექტის მიხედვით, პენსიის ეს ოდენობა 2014 წლის განმავლობაში არ იცვლება. შესაბამისად, ვასკვნით, რომ საპრეზიდენტო კანდიდატის განცხადება: „მომავალი წლის ბიუჯეტში არცერთი თეთრი არ არის ჩადებული პენსიების ზრდაზე’’, არის სიმართლე.


ნანახია: 2113-ჯერ

მსგავსი სიახლეები
პენსიის ზრდა ყველა პენსიონერს შეეხება.
პარლამენტი დღეს 2018 წლის ბიუჯეტის პროექტს განიხილავს.
საპარლამენტო უმცირესობის წევრები ბიუჯეტის პროექტს იწუნებენ.
ახალი ინიციატივა საპარლამენტო უმცირესობის ლიდერმა დავით ბაქრაძემ გააჟღერა.
ბიუჯეტიდან ყველაზე მეტად დაფინანსება ჯანდაცვის სამინისტროს ეზრდება. ის დაახლოებით 2 მილიარდ 700 მილიონ ლარს შეადგენს, რაც

ამინდი