ვანში დიხაშხო-ჭალების დამაკავშირებელ გზაზე ასფალტის საფარი მოეწყობა

ვანის მუნიციპალიტეტში, სოფელ დიხაშხოს ცენტრის ჭალებთან დამაკავშირებელი გზის 1 400 მ-იან მონაკვეთზე ასფალტის საფარის მოწყობა მიმდინარეობს.

სარეაბილიტაციო სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან 400 000 ლარით ფინანსდება. სამუშაოებს ტენდერში გამარჯვებული კომპანია შ.პ.ს „წყალტუბო გზასერვისი“ ახორციელებს.

როგორც სპეციალისტები აცხადებენ, აღნიშნული გზის მონაკვეთის რეაბილიტაცია ხარისხიანად და ვადების დაცვით მიმდინარეობს.


ხელშეკრულებით ნაკისრი ვალდებულების თანახმად, მიმდინარე სამუშაოები 2016 წლის 27 ივლისამდე უნდა დასრულდეს.

NS