ქუთაისის მერის მიერ დანონსებული ბრიფინგის თემა ცნობილია

ქუთაისი მერი შოთა მურღულია, ვიცე-მერებთან და სამსახურის უფროსებთან ერთად დაგეგმილ ბრიფინგზე iso სერტიფიკატის მიღებაზე ისაუბრებს.
ამის შესახებ topnews.com.ge-ს ინფორმირებულმა წყარომ განუცხადა.

ბრიფინგი ქუთაისის მერიის თეთრ დარბაზში, 10:00 საათზეა ჩანიშნული.

ISO 9001:2008-ის საშუალებით სერტიფიცირდება ქუთაისის მერიის მენეჯმენტის მიერ შემუშავებული და დანერგილი ხარისხის მართვის სისტემა.

საერთაშორისო სტანდარტიზაციის ორგანიზაცია (ISO) მსოფლიოში უმსხვილესი საერთაშორისო სტანდარტების გამცემი ორგანიზაციაა. ISO-ს ქსელი გავრცელებულია მსოფლიოს 162 ქვეყანაში, რომლებიც კოორდინირებულნი არიან ჟენევაში მდებარე ცენტრალურ სააგენტოსთან.