ქუთაისში საერთაშორისო კლასის სპორტის ოსტატის სახელობის ტურნირი გაიხსნა

ქუთაისის საკრებულოს თავმჯდომარე დავით დვალი და ადგილობრივი თვითმმართველობის წარმომადგენლები ქუთაისის სპორტის სასახლეში გამართულ კალათბურთში გელა დარსაძის სახელობის ტურნირის გახსნას დაესწრნენ.

ტურნირში სულ ოთხი გუნდი,თბილისის გუნდები: „ორბი“ და „ჰიუნდაი“, ქუთაისის გუნდი „ქუთაისი“ და რუსთავის გუნდი „რუსთავი“ მიიღებენ მონაწილეობას. გარდამავალი თასისთვის 2002 წელს დაბადებული სპორტსმენები იასპარეზებენ.

გელა დარსაძე საერთაშორისო კლასის სპორტის ოსტატი, გასული საუკუნის 80-იანი წლების თბილისის "დინამოს" ერთ-ერთი ლიდერი, ქუთაისის საკალთბურთო გუნდის „ქუთაისი 2010“-ის მწვრთნელი გახლდათ.

ტურნირი კვირას დასრულდება და გამარჯვებულ გუნდებს ადგილობრივი თვითმმართველობის მიერ დაწესებული სპეციალური თასები, მედლები და დიპლომები გადაეცემათ.