მოსწავლე-ახალგაზრდობის სასახლე ვაჟა-ფშაველას საიუბილეო წელს კონკურსს უძღვნის

,,გაზაფხულს ია ამოდის,“- ასეთია მხატვრული კითხვის იმ საქალაქო კონკურსის სახელწოდება, რომელიც ქუთაისის კულტურის ცენტრში 15 აპრილს, 15:00 საათზე გაიმართება. კონკურსის მიზანს საჯარო და კერძო სკოლების მოსწავლეებში ვაჟა-ფშაველას შემოქმედებისადმი სიყვარულის გაღრმავება და მათ შორის წარმატებული მკითხველის წარმოჩენა წარმოადგენს. კონკურსში მონაწილეობის სურვილი ქუთაისის სხვადასხვა საჯარო და კერძო სკოლის 40-მა მოსწავლემ გამოთქვა.

ვაჟა-ფშაველას საიუბილეო წლისადმი მიძღვნილი მხატვრული კითხვის საქალაქო კონკურსის- ,,გაზაფხულს ია ამოდის“ გამარჯვებულ მოსწავლეებს ხუთი წევრისაგან შემდგარი ჟიური გამოავლენს. ჟიურის გურამ საღარაძის ქალიშვილი, მარინა საღარაძე თავმჯდომარეობს. ღონისძიებას საპატიო სტუმრის სტატუსით ვაჟა-ფშაველას შვილიშვილი, ლელა რაზიკაშვილის დაესწრება.

კონკურსის გამარჯვებული მოსწავლეები დაჯილდოვდებიან სიგელებით, დიპლომებითა და ფასიანი საჩუქრებით. გამორჩეული ბავშვებისათვის მოეწყობა ექსკურსია ვაჟა-ფშაველას სახლ-მუზეუმში ჩარგალში.

ცნობისათვის, ვაჟა-ფშაველა (ნამდვილი სახელი და გვარი ლუკა პავლეს ძე რაზიკაშვილი ქართული ლიტერატურის კლასიკოსი, პოეტი, მწერალია. დაიბადა 1861 წლის 14 ივლისს, სოფელ ჩარგალში. გარდაიცვალა 1915 წლის 27 ივლისს.