ქუთაისში ოჯახის განსაზღვრებასთან დაკავშირებით საკონსტიტუციო ცვლილებების განხილვა მოეწყო

კონსტიტუციაში ინიცირებული ცვლილებების საყოველთაო სახალხო განხილვები გრძელდება. საორგანიზაციო კომისიის წევრებმა კანონპროექტი იმერეთის რეგიონის მოსახლეობას გააცნეს.

საკანონმდებლო ინიციატივის მიხედვით, კონსტიტუციის 36-ე მუხლში ცვლილება შევა და ქორწინებისა და ოჯახის დეფინიციად ქალისა და მამაკაცის ერთობა განისაზღვრება.

კონსტიტუციაში ცვლილებების შეტანის ინიციატივა პარლამენტს 10 მარტს წარედგინა. საორგანიზაციო კომისია შეხვედრებს ქვეყნის მასშტაბით 12 ქალაქში გამართავს.

დეპუტატებმა ცვლილებები თელავის, რუსთავის, ახალციხის და ბათუმის მოსახლეობას უკვე გააცნეს.