'საერთაშორისო გამჭვირვალობა-საქართველოს'იუბილეს აღსანიშნავად ქუთაისში გამოფენა მოეწყო

"საერთაშორისო გამჭვირვალობა-საქართველომ" ქუთაისში, ორგანიზაციის 15 წლის იუბილე აღნიშნა. სასტუმრო "რჩეულში" გამართულ ღონისძიებას მედიის, სამოქალაქო საზოგადოებისა და ადგილობრივი ხელისუფლების წარმომადგენლები ესწრებოდნენ.

ღონისძიებაზე მყოფი პირებისათვის მოეწყო გამოფენა სახელწოდებით "სამოქალაქო აქტივიზმის 15 წელი". გამოფენა ორგანიზაციის მიერ 15 წლის განმავლობაში განვლილ გზას ასახავდა.

"საერთაშორისო გამჭვირვალობა-საქართველოს" დირექტორის ეკა გიგაურის განცხადებით, ორგანიზაცია 15-წლიანი საქმიანობის ამსახველ გამოფენას ქუთაისის გარდა, საქართველოს სხვა ქალაქებშიც გამართავს.