ქუთაისის მერიის საბინაო სამსახურმა გასული წლის ანგარიში წარმოადგინა

ქუთაისის მერიის საბინაო ინფრასტრუქტურის მართვისა და განვითარების სამსახურის უფროსმა ვლადიმერ ნაკაშიძემ გასული წლის ანგარიში თვითმმართველობის, მასმედიის, არასამთავრობო ორგანიზაციებისა და სამოქალაქო სექტორის წინაშე შეაჯამა. პრეზენტაციას ქუთაისის მერი შოთა მურღულია, საკრებულოს თავმჯდომარე დავით დვალი, მერის მოადგილე კონსტანტინე ქავთარაძე და დეპუტატები დაესწრნენ. სამსახურმა 2015 წელს განხორციელებული აქტივობები და მიღებული შედეგები წარადგინა.

როგორც გაწეული საქმიანობის ანგარიშის პრეზენტაციიდან ირკვევა, სამსახურმა გასულ წელს სხვადასხვა მიმართულებით შემდეგი 14 პროგრამა განახორციელა.

პროგრამა ,,კორპუსით” გათვალისწინებული მრავალბინიანი საცხოვრებელი სახლების ეზოების კეთილმოწყობა (თანადაფინანსება: 90% თვითმმართველობა. 10 % მოსახლეობა).
მრავალბინიანი საცხოვრებელი სახლების ლიფტების რეაბილიტაცია (თანადაფინანსება: 90% თვითმმართველობა. 10 % მოსახლეობა).

პროგრამა: საცხოვრებელი სახლებისათვის დაზიანებული წყალ-კანალიზაციის კომუნიკაციების აღდგენა,(თანადაფინანსება: 90% თვითმმართველობა. 10 % მოსახლეობა).
საცხოვრებელი სახლების სადარბაზოების შიდა რემონტი, სადარბაზოს შესასვლელი რკინა-ბეტონის კონსტრუქციის რეაბილიტაცია და პანდუსების მოწყობა(თანადაფინანსება: 90% თვითმმართველობა.10% მოსახლეობა).

პარაპეტებისა და წყალსაწრეტი მილების რეაბილიტაცია,(თანადაფინანსება: 80% თვითმმართველობა, 20 % მოსახლეობა).

პროგრამა ,,კორპუსით” გათვალისწინებული ატრაქციონების და ძელსკამების შეძენა ბინათმესაკუთრეთა ამხანაგობებისთვის.(თანადაფინანსება: 60% თვითმმართველობა. 40 % მოსახლეობა).

პროგრამა ,,კორპუსით” გათვალისწინებული ,,ცენტრალური გზებიდან საცხოვრებელი სახლების ეზოებამდე მისასვლელი გზების რეაბილიტაცია” (დაფინანსება: 100% თვითმმართველობა).

ბინათმესაკუთრეთა ამხანაგობებისათვის სხვადასხვა სახეობის გადასახური მასალის გადაცემა (დაფინანსება: 100% თვითმმართველობა).

პროგრამა : ,,ღატაკი ოჯახი”-ის სტატუსის მქონე ოჯახების საცხოვრებელი სახლების გადახურვა(დაფინანსება: 100% თვითმმართველობა).

პროგრამა : ძელსკამების შეძენა-მონტაჟი(დაფინანსება: 100% თვითმმართველობა).

ქალაქ ქუთაისში საბავშვო ატრაქციონების მოწყობის სამუშაოები (დაფინანსება: 100% თვითმმართველობა).

პროგრამა „მარტივი ტიპის სპორტული მოედნების მოწყობა-რეაბილიტაცია“ (დაფინანსება: 100% თვითმმართველობა).

მოსწავლე ახალგაზრდობის პარკსა და ხარაზოვის ბაღში ტრენაჟორების მოწყობა (დაფინანსება: 100% თვითმმართველობა).

თავისუფალი ინიციატივების ფარგლებში განხორციელებული პროგრამები: (დაფინანსება: 100% თვითმმართველობა).

გასულ წელს აღნიშნული პროექტების განსახორციელებლად 3 254 490 ლარი დაიხარჯა. მიმდინარე წელს კი სამსახურის ბიუჯეტი 5 444 800 ლარს შეადგენს.