ვანში გამგებლის წარმომადგენლის ინიციატივით გამწვანების აქცია გაიმართა

ქალაქ ვანში გამგებლის წარმომადგენლის, ვლადიმერ ხელაძის ხელმძღვანელობით, წმინდა ნინოს მშობლების, ზაბულონის და სოსანას სახელობის ტაძრის მიმდებარე სკვერში, ცენტრალური მოედნის და სპორტსკოლის ეზოში ელდარის ჯიშის ფიჭვები დაირგო.

ფიჭვის ნერგები საჩხერის სანერგე მეურნეობის დირექტორმა ნუგზარ ჩხეიძემ უსასყიდლოდ გადასცა აქციის მონაწილეებს.

გამწვანების აქციაში დეკანოზმა მამა პეტრე გიორგაძემ, ვანის ადმინისტრაციის და სატყეო დეპარტამენტის წარმომადგენლებმა, მუსიკალურმა ჯგუფმა „არგომ“ და საჯარო სკოლის მოსწავლეებმა მიიღეს მონაწილეობა.

როგორც აქციის ორგანიზატორები აცხადებენ, განმწავნების აქცია მომავალშიც გაგრძელდება და უფრო მასშტაბურ ხასიათს შეიძენს.