თერჯოლის მუნიციპალიტეტის სოფელ თუზს გაზმომარაგება შეუწყდება

დღეს, 10:00 საათიდან თერჯოლის მუნიციპალიტეტში, საშუალო წნევის გაზსადენზე აღრიცხვის კვანძების დამონტაჟებასთან დაკავშირებით, სოფელ თუზის მცხოვრებლებს ბუნებრივი გაზის მიწოდება შეუწყდება, - ამის შესახებ ინფორმაციას კომპანია "სოკარი" ავრცელებს.

კომპანიის პრესსამსახურის ცნობით, ბუნებრივი გაზის მიწოდება სამუშაოების დასრულებისთანავე, ეტაპობრივად, 8 აპრილს, 10:00 საათიდან დაიწყება და სრულად, 10 აპრილს, 18:00 საათამდე აღდგება.

"კომპანია "სოკარ ჯორჯია გაზი" ბოდიშს გიხდით დისკომფორტისთვის და აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები", - ნათქვამია კომპანიის განცხადებაში.
მასალის გამოყენების პირობები