ქუთაისის მერს არასამთავრობოები წერილით მიმართავენ

შეჩერდეს ,,ოქროს ჩარდახთან ''მიმდინარე მშენებლობა - ამ მოთხოვნით არასამთავრობო ორგანიზაციებმა ბრიფიგი გამართეს.

ორგანიზაციის წარმომადგენლები ქუთაისის მერიისაგან გაჩუქებული მიწის ქალაქის ისტორიულ კუთვნილებაში დაბრუნებას მოითხოვენ.

,,ნიკა ლატარიას თქმით, აღნიშნული ტერიტორიის გასხვისება კეთილი განზრახვა იყო, მაგრამ ჩნდება კითხვა: ნიკა ლატარია ნებისმიერ ჩვენგანს კეთილი განზრახვით ქალაქის ცენტრში მოგვცემს მიწის ნაკვეთს,?’’- აცხადებს ,,ევროპა ჩვენი სახლიას“ წარმომადგენელი გია გოქაძე.

,,ევროპა ჩვენი სახლია“-ს წარმომადგენლების თქმით, მათ უკვე მოამზადეს წერილი ქუთაისის მერის შოთა მურღულიას სახელზე, რომელსაც ათი არასამთავრობო ორგანიზაცია აწერს ხელს. მათივე განცხადებით, თუ პასუხი მალევე არ იქნა გაცემული, ისინი თავადვე, ერთობლივი ძალებით დაიწყებენ აღნიშნული პრობლემის მოგვარებაზე ფიქრს.

,,საზოგადოებრივი ინტერესების დაცვის ცენტრის“ წარმომადგენლის სულხან ქობულაძის განცხადებით, დღეს ქალაქ ქუთაისს არ ჰყავს მთავარი არქიტექტორი და აღნიშნული ტერიტორიის გაჩუქების ნებართვა არა კონკრეტულმა პიროვნებამ, არამედ ადმინისტრაციულმა სამსახურმა გასცა.

,,ჩვენ არ ვართ მშენებლობების წინააღმდეგი, თუმცა მოქალაქეებს გემოვნებას არ უნდა ვუზრდიდეთ ჭამის კუთხით. გვინდა, ეს ტერიტორია მოქალაქეებმა დასასვენებლად გამოიყენონ,“- აცხადებს არასამთვარობო ორგანიზაცია ,, თაობათა დიალოგის“ წარმომადგენელი გვანცა თოთაძე.

სამოქალაქო სექტორის წარმომაგენლები მოითხოვენ, რომ უმოკლეს ვადაში გაუქმდეს მშენებლობის ნებართვა. სკვერებში არსებული სავავალო მდგომარეობის აღმოსაფხვრელად კი აიკრძალოს მასში პარკირება.

ნათია სვანიძე