'რესპუბლიკელი' ნატო ქათამაძე ქუთაისის მაჟორიტარი დეპუტატობისთვის იბრძოლებს

2016 წელს ჩანიშნულ საპარლამენტო არჩევნებში, ქუთაისის მაჟორიტარი დეპუტატობის ერთ-ერთი კანდიდატი "რესპუბლიკური პარტიის" წევრი ნატო ქათამაძე იქნება.

როგორც ქათამაძემ იმერეთის მთავარ საინფორმაციო სააგენტო topnews.com.ge-ს განუცხადა, მაჟორიტარი დეპუტატობის კანდიდატი ქუთაისის იმ ოლქში იქნება, სადაც გამარჯვების ტერიტორიული ორგანოა.

"გიდასტურებთ, რომ ქუთაისის მაჟორიტარი დეპუტატობისთვის ვიბრძოლებ "რესპუბლიკური პარტიიდან." იმის გამო, რომ ქუთაისი სამ ოლქად იყოფა, მე იმ ოლქში ვიქნები კანდიდატი, რომელ ოლქშიც გამარჯვების ტერიტორიული ორგანო შევა. შანსები დიდი მაქვს. სწორედ ამიტომაც მაქვს ამბიცია. ვფიქრობ, ჩემი განვლილი გზა ამ ყველაფერში ხელს შემიწყობს,"- აცხადებს ნატო ქათამაძე.

შეგახსენებთ, რომ რესპუბლიკური პარტია 2016 წლის ოქტომბრის საპარლამენტო არჩევნებისთვის მზადებას დამოუკიდებლად ინდივიდუალურ რეჟიმში იწყებს.