ქუთაისში, მუზეუმის ყოფილი შენობის ტერიტორია ნარჩენებისგან გაიწმინდა

ქუთაისში, ქალაქის ცენტრში, მუზეუმის ყოფილი შენობის უკან არსებული ტერიტორია ა(ა)იპ "სპეციალური სერვისების" წარმომადგენლებმა დაასუფთავეს. ცოცხალი მუშახელისა და სპეციალური ტექნიკის მეშვეობით ტერიტორია ველური მცენარეული საფარისა და სპონტანურად ქცეული ნაგავსაყრელისგან სრულიად გაიწმინდა. როგორც "სპეციალური სერვისების" საზოგადოებასთან ურთიერთობის სამსახურის ხელმძღვანელი გიორგი მჟავანაძე აცხადებს, კომპანიის თანამშრომლები მსგავსი ტიპის აქციებს ქალაქის სხვადასხვა ნაწილში პერიოდულად მოაწყობენ.