ქუთაისში მცხოვრებ შეჭირვებულ ოჯახებს უფასო სამედიცინო მომსახურება გაეწევათ

ქუთაისის მერიასა და ნაზარიშვილის სახელობის საოჯახო მედიცინის ცენტრს შორის რამდენიმე დღის წინ ურთიერთთანამშრომლობის მემორანდუმი გაფორმდა.

მემორანდუმი ქუთაისში შეჭირვებული მოქალაქეებისთვის უფასო სამედიცინო მომსახურების გაწევას ითვალისწინებს.

მემორანდუმის ფარგლებში დღეს პირველი პროფილაქტიკური გამოკვლევები განხორციელდა.

ქუთაისის მერმა შოთა მურღულიამ, პაციენტები ნაზარიშვილის სახელობის საოჯახო მედიცინის ცენტრში მოინახულა.

ცნობისთვის უფასო სამედიცნო აქცია მოეწყობა ყოველი თვის პირველ შაბათს, ხოლო მწოლიარე პაციენტებისთვის ბინაზე მისვლით ყოველი თვის მესამე შაბათს.