'უცნობი საქართველო იმერეთში'-პროექტი ტურიზმის პოპულარიზაციისათვის

თერჯოლის მუნიციპალიტეტის გამგებელი თეიმურაზ ჯაფარიძე, გამგეობის განათლების, კულტურის, სპორტისა და ახალგაზრდობის საქმეთა სამსახურის უფროსი გურამ თურქაძე, გამგებლის თანაშემწე ზაზა ცერცვაძე და შესაბამისი სამსახურების წარმომადგენლები გოდოგნისა და ნახშირღელის ადმინისტრაციულ ერთეულებში იმყოფებოდნენ, სადაც განთავსდა 2 საინფორმაციო დაფა და 1 ობიექტისაკენ მიმავალი მანიშნებელი. აღნიშნულთან დაკავშირებით ინფორმაციას თერჯოლის მუნიციპალიტეტის გამგეობა ავრცელებს.

ინფორმაციის მიხედვით, პროექტი, რომელიც მიზნად ისახავს ტურიზმის განვითარებასა და კულტურული მემკვიდრეობის პოპულარიზაციას, „უცნობი საქართველო იმერეთში“-ს ფარგლებში, მსოფლიო ბანკისა და ჩეხური არასამთავრობო ორგანიზაცია „PIN“-ის მხარდაჭერით ხორციელდება. პროექტს ა(ა)იპ თერჯოლის სახელოვნებო განათლების, კულტურისა და ტურიზმის მუნიციპალური ცენტრი ახორციელებს.

დღესვე, თეიმურაზ ჯაფარიძემ მოინახულა ნაგარევის საბავშვო ბაღი, რომელიც ადგილობრივი ბიუჯეტიდან გამოყოფილი თანხით, თანამედროვე სტანდარტების მიხედვით აშენდა და უახლოეს მომავალში გაიხსნება.