არასამთავრობო ორგანიზაცია ქუთაისის დამსუფთავებელი ფირმის ხარჯებს აპროტესტებს

"გაზრდილი პრემიები და ადმინისტრაციული რესურსები ქუთაისის ააიპ "სპეციალურ სერვისებში",- განცხადებას არასამთავრობო ორგანიზაცია "მედიატორი" აკეთებს.

ორგანიზაციის მიერ გასაჯაროებული მონაცემების მიხედვით, "სპეციალური სერვისების" ადმინისტრაციაში 2012- 2013 წლებში 15 ადამიანი იყო დასაქმებული, თავად ორგანიზაციაში კი 320 ადამიანი მუშაობდა, ხოლო 2015 წელს ადმინისტრაციაში დასაქმებულთა რაოდენობამ 80-ს გადააჭარბა, ხოლო დასაქმებულთა საერთო რაოდენობა 420 ადამიანამდე გაიზარდა.ორგანიზაციის წარმომადგენლების თქმით, აღნიშნული ცვლილება ბიუჯეტი არამიზნობრივად ხარჯვის ეჭვს ქმნის.

,,თანხები იხარჯება არამიზნობრივად იმ ფონზე, როდესაც "სპეციალური სერვისების" მთავარი დამფინანსებელი ისევ მერიაა. სუფსიდირების გარეშე კი ვერ იარსებებდა ეს სამსახური,“- აცხადებს არასამთავრობო ორგანიზაცია "მედიატორის" დამფუძნებელი გიორგი მარდალეიშვილი.

რაც შეეხება პრემია დანამატებს, ორგანიზაციის მონაცემებით, 2015 წელს მათი ჯამური რაოდენობა 400 000 ლარს მოიცავს. აქედან ადმინისტრაციულ რესურსზე 130 000 ლარია გაცემული.

არასამთავრობო ორგანიზაცია ,,მედიატორი“ კადრების შემცირებას და თანხების იმ პირებზე გადანაწილებას იწვევს, რომლებიც მათი თქმით, დილის 5 საათიდან ქალაქის სისუფთავეზე ზრუნავენ.

"სპეციალურ სერვისებში" ბრალდებების საპასუხოდ აცხადებენ, რომ "მედიატორის" ბრალდები უსაფუძვლოა, ორგანიზაციაში შტატები არ გაზრდილა და დანამატები მხოლოდ სამასამდე მეეზოვემ, თითომ 125 ლარის ოდენობით მიიღო.

ნათია სვანიძე