თერჯოლის მუნიციპალიტეტის სოფელ თუზს გაზმომარაგება შეუწყდება

5 აპრილის დილის 10:00 საათიდან თერჯოლის მუნიციპალიტეტში, საშუალო წნევის გაზსადენზე აღრიცხვის კვანძების დამონტაჟებასთან დაკავშირებით, ბუნებრივი გაზის მიწოდება შეუწყდება სოფელი თუზის მცხოვრებლებს, - ამის შესახებ ინფორმაციას კომპანია "სოკარი" ავრცელებს.

კომპანიის პრესსამსახურის ცნობით, ბუნებრივი გაზის მიწოდება სამუშაოების დასრულებისთანავე, ეტაპობრივად, 8 აპრილის დილის 10:00 საათიდან დაიწყება და სრულად, 10 აპრილის საღამოს 18:00 საათამდე აღდგება.

"კომპანია "სოკარ ჯორჯია გაზი" ბოდიშს გიხდით დისკომფორტისთვის და აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები", - აცხადებენ კომპანიაში.