ქუთაისის მერი: დასასვენებლად ჯერ არ მცალია

ქუთაისის მერიიდან ამ დროისათვის კუთვნილი შვებულებით 103 თანამშრომელი სარგებლობს. ქალაქის მერის განცხადებით, თანამშრომლები შვებულებაში ეტაპობრივად გადიან. რაც შეეხება მერის შვებულების საკითხს, კოპალიანი ამბობს, რომ 24-საათიან რეჟიმში მუშაობს და დასასვენებლად არ სცალია.
„ჯერ ვმუშაობ. 24 საათიან რეჟიმში ვმუშაობ და დასასვენებლად ჯერ არ მცალია,“ - ამბობს კოპალიანი.
ცნობისთვის, ქალაქის მერიას ამ დროისათვის შტატით მომუშავე 377, ხოლო ხელშეკრულებით აყვანილი 99 თანამშრომელი ჰყავს.