ქუთაისში მძღოლებმა საპროტესტო აქცია გამართეს

ქუთაისში ტაქსის მძღოლებმა საპროტესტო აქცია გამართეს.
მძღოლები საკანონმდებლო ორგანოსთან შეიკრიბნენ და ქალაქში გზებზე არსებული რთული ინფრასტრუქტურა და პარკირების მაღალი გადასახადი გააპროტესტეს.

აქციის მონაწილეებმა პარლამენტიდან, ქუთაისი მერიამდე სიგნალებით მსვლელობა მოაწყვეს. ამ ფორმით, მათ ქუთაისის მერიის გადაწყვეტილება გააპროტესტეს.

აქციას „თავისუფალი საქართველოს“ იმერეთის ორგანიზაციის ხელმძღვანელი შეუერთდა, რომელმაც განაცხადა, რომ ქალაქის მერიამ ტაქსის მძღოლებისათვის კაბალური პირობები დააწესა.

ქუთაისის მერიაში აცხადებენ, რომ შპს „პარკინგ სერვისმა“ ქალაქის მასშტაბით პარკირებისთვის სპეციალური ტერიტორია განსაზღვრა, მძღოლები კი, დადგენილი ტარიფის მიხედვით, პარკირების საფასურს იხდიან.