ჩოხატაურში დაგეგმილ ავტორბოლას სპონსორობას 'ექსტრა მითი' უწევს

ჩოხატაურის მუნიციპალიტეტში ავტო-მოტო კლუბ "იმერეთი"-ს ორგანიზებით, მიმდინარე წლის 19 მარტს, "2016 წლის იმერეთის პირველობა წყვილთა რბოლაში" პირველი ეტაპი გაიმართება. ღონისძიებაში, რომელიც ჩოხატაურის ცენტრში 13:00 საათზე დაიწყება, მონაწილეობის მიღება მართვის უფლებისა და პროფესიონალი მრბოლელის ლიცენზიის მქონე ნებისმიერ პირს შეუძლია.

ღონისძიების სპონსორობას ხორცპროდუქტების კომპანია "ექსტრა მითი" უწევს. მონაწილეთა რეგისტრაცია 11:00 საათზე, ხოლო სტარტი 12:00 საათზე დაიწყება.

როგორც ავტო-მოტო კლუბ "იმერეთის" ხელმძღვანელი ნიკა სვანიძე ამბობს, ღონისძიების ბოლოს დრიფტ შოუ გაიმართება, რომელიც გამარჯვებულს გამოავლენს.

გამარჯვებულებს კი საჩუქრად ძრავის ზეთები და აქსესუარები გადაეცემათ.