გორას დასახლებაში მცოცაცი მიწის პრობლემის მოსაგვარებლად ქუთაისის მერია თანხას გამოყოფს

"ქუთაისის მერიამ წერილობით დაგვიდასტურა, რომ პეტრიწის ქუჩაზე მცოცავი მიწის პრობლემა აისახება ბიუჯეტში და მოხდება არსებული პრობლემის მოგვარება,"- ამბობს "გირჩის" ქუთაისის ოფისის ხელმძღვანელი თემურ ცამციშვილი.


საუბარია ქუთაისში, გორას დასახლებაში, პეტრიწის ქუჩის პრობლემაზე. მოსახლეობის საცხოვრებელ ადგილებზე მიწას ნაპრალები აქვს გაჩენილი, რაც მოსახლეობისთვის საფრთხის შემცველია. "გირჩის" ქუთაისის ოფისმა აღნიშნულ საკითზზე როგორც ადგილობრივ ხელისუფლებას, ისე შესაბამის სამინისტროს მიმართა.