ქუთაისის მერიის ადმინისტრაციის უფროსი ზურაბ ჯაფარიძის ბრალდებას უარყოფს

ქუთაისის მერიის ადმინისტრაციული სამსახურის უფროსი ზვიად ჯავახია უარყოფს გავრცელებულ ინფორმაციას იმის შესახებ, რომ ქუთაისის მერიას საქართველოს პარლამენტის წევრის, ზურაბ ჯაფარიძის მიმართვაზე პასუხი გაცემული არ აქვს.

ჯავახიას თქმით, საკითხი მაღალი საზოგადოებრივი ინტერესით სარგებლობს. სწორედ ამიტომ, ჩინოვნიკი საქართველოს პარლამენტის წევრის, ზურაბ ჯაფარიძის სახელზე გაგზავნილ 2016 წლის 09 მარტის პასუხს აქვეყნებს. როგორც ადგილობრივი ხელისუფლების პასუხიდან ირკვევა, დეპუტატის წერილი სოციალური საცხოვრისის თემაზეა მომზადებული და მის შესახებ ბიუჯეტში არსებული თანხის მიზნობრივად დახარჯვისა და კრიტერიუმების შედგენის საკითხებს ეხება.

,,მგონი, თვით აღნიშნულ პოლიტიკურ გაერთიანებაში სათაო და რეგიონულ ოფისებს კომუნიკაციის ნაკლებობა აქვთ, ან უკიდერეს შემთხვევაში (რაც არ მინდა ვიფიქრო) საქართველოს პარლამენტის წევრი არ კითხულობს მისსავე კორესპონდეციას,"-წერს ზვიად ჯავახია.