წერეთლის უნივერსიტეტის სტუდენტები პრაქტიკას იმერეთის მუნიციპალიტეტებში გაივლიან

ქუთაისის აკაკი წერეთლის სახელმწიფო უნივერსიტეტმა იმერეთის მხარის მუნიციპალიტეტებთან ურთიერთთანამშრომლობის მემორანდუმი გააფორმა.

სასწავლო პროგრამების გაუმჯობესების მიზნით, მემორანდუმი ითვალისწინებს მუდმივ კავშირს იმერეთის რეგიონის საჯარო, არასაჯარო და კერძო სექტორის წარმომადგენლებთან.

,,ვიმედოვნებ, რომ ეს თანამშრომლობა წარმატებული და სასიკეთო შედეგების მომტანი იქნება ჩვენი სტუდენტებისათვის",- განაცხადა აკაკი წერეთლის სახელმწიფო უნივერსიტეტის რექტორმა გიორგი ღავთაძემ.

მემორანდუმის ფარგლებში სტუდენტებს შესაძლებლობა ექნებათ პრაქტიკა და სტაჟირება საცხოვრებელი ადგილის მიხედვით გაიარონ.

,,ხონი ყოველთვის გამოირჩეოდა ნიჭიერი კადრებით. მოხარული ვარ, რომ ახალგაზრდების დაკვალიანების საქმეში ჩემს წვლილს შევიტან,“- აცხადებს ხონის მუნიციპალიტეტის გამგებელი ჯემალ მებუკე.

აღნიშნული პროექტის განხორციელების ინიციატივა საქართველოს პრემიერ-მინისტრის ეკუთვნის.

ნათია სვანიძე